Seljord Kunstforening

Marit Benthe Norheim, Viel Bjerkeset Andersen, Gunhild Bakke,Camilla Luihn, Gunhild Vatn, Per Dybvig, Nils Martin, Espen Dietrichson, Nils Olav Bøe

Her kan du mellom anna måle og dekorere påskeegg, eller berre ta deg ein kaffekopp medan ungane kosar seg!

Laurdag 20. mars arrangerer Seljord kunstforening kurs i enkel bokbinding i Kunstlåven i Seljord. Tema for kurset er å lage ei stjernebok. Denne innbindinga eignar seg m.a. til album og er svært dekorativ. Lærar er Else Ljungstrøm som er utdanna formingslærar og har arbeidd som papirmakar i mange år. Ho har og lang erfaring innan bokbinding. Kursavgifta er kr 800 som inkluderer undervising, materiell og lunsj. Påmelding til info@seljordkunstforening.no innan 15. mars.

Kunstlåven held stengd i januar, men opnar att onsdag 3.februar. Då vil det være open galleributikk og kafé kvar onsdag kl.12-19 og torsdag kl.12-17 fram til sommaren. Kontakt oss på tlf. 950 52 432 eller epost: info@seljordkunstforening.no

For å hylle og minnast biletkunstnaren Iver Jåks (1932–2007) arrangerer Nordnorsk kunstnersenter, RiddoDuottarMuseat (tidl. De Samiske Samlinger), Samisk kunstnersenter og Saviomuseet utstillinga “Hommage à Iver Jåks”, som skal turnere fleire stader i Norge. Den 10.april kjem utstillinga til Seljord Kunstforening.

Utstillinga tek utgangspunkt i Jåks småskulptur, som kanskje er det mest særeigne, fascinerande og allment kjente i hans kunstnarskåp. Jåks kunst rører ved ei lang rekke tema og problemstillingar, som bl.a. forhold mellom urfolk og storsamfunn, samisk og norsk, tradisjon og modernitet.

Onsdag 17. februar startar me opp med studiesirkel i kunsthistorie. Det er satt opp fire onsdagar fram til påske; 17.februar, 3.mars, 10. mars og 17.mars i Kunstlåven kl.18-20.

Karete Roksvåg leier sirkelen og har satt opp program m/pensum frå boka ”Norsk kunsthistorie” (2009) av Gunnar Danbolt. Formålet med studiesirkelen er å diskutere og utveksle synspunkt og erfaringar omkring dei oppsatte temaene, og slik bli litt klokare på eit komplekst og spanande fag!

Program for vinteren 2010

Torsdag 4. februar startar me opp med nye sogevandringar. Første vandring går til Utgarden, deretter til Hegnin den 18. februar, Glosimot den 4. mars og til Meås den 18. mars. Oppstart frå Kunstlåven kl.10. Open kafé etterpå.

Seljord kunstforening inviterer til familiedag i Kunstlåven på Luciadagen 13. desember. Det blir joleverkstad, eventyrstund og sal av lussekattar m.m. i kafeen. Joleutstillinga og galleributikken er opne. Arangementet varer frå kl 14-17, joleverkstad kl 14-16 og eventyrstund frå kl 16. Materialutgifter til joleverkstaden er kr 60,- pr unge.

Alle aldersgrupper er hjarteleg velkomne!

Seljord kunstforening opnar joleutstilling 3. desember. Her finn du grafikk av mellom andre Eli Hovdenak, Ingri Egeberg, Åse Anda, Beate Strindberg. Prisane ligg frå kr 600 – 5000. Utstillinga er open onsdagar 12-17, torsdagar 12-19 og laurdagar 10-14 og står fram til og med 19. desember. Galleributikken har stort utval av kunsthandverk og handverk. Desemberkafeen er open i utstillingsperioden.

Velkomen til Kunstlåven i førjulstida!

Seljord husflidslag og Seljord kunstforening viser ei temautstilling om dukar med fokus på broderte joledukar av ulike slag. Du kan sjå eldre og nyare dukar på utstillinga i Kunstlåven. Dukane er utlånte frå privatpersonar og det er mange interessante broderiteknikkar å studere her. Mange arbeidstimar og stor kunnskap ligg bak bordpryden. På utstillinga viser me og ei lita samling med mangletre.

Utstillinga er open onsdag 12-17, torsdag 12-19 og laurdag 10-14 og står fram til og med 12. desember. I Kunstlåven finn du og Seljord kunstforening si joleutstilling, galleributikk og desemberkafé.

Ei steinrulle fungerer ved at ein stor skuff på toppen av rulla vert fylt med flat stein for så å verta dregen over tøyet som skal rullast. Det finst ikkje mange eksemplar av ei slik type rulle og vi syns det er viktig å ta vare på dette verktøyet som var ein del av ei husfrue sine hjelpemiddel i tidlegare tider.

Seljord husflidslag, Nasjonalt Landstadsenter og Seljord kunstforening samarbeider om tilstellinga.

Designgruppa Funkle kjem til Kunstlåven i Seljord onsdag 18. november kl 19.00. Dei vil ta oss med inn i “Funkle-verden” og fortelje om vegen frå idé til ferdige produkt. Denne kvelden vil låven vera fylt med flotte puter og pledd i ulike fargar og kvaliteter. Det er 30% på alle Funkle-varer heile dagen så gjer unna julehandelen no!

Velkomen til ein spennande kveld.

Velkomen til ein hyggeleg og lærerik kveld. Arrangementet er eit samarbeid mellom Seljord hotell og Seljord kunstforening.

Som de ser under har me eit aktivt program framover. Velkomen innom oss i Kunstlåven!

18/11 kl 19.00: Funkle-kveld med designgruppa Funkle frå Notodden i Kunstlåven. Gode tilbod og fine julegåver å få kjøpt. Kafeen er open frå kl 18.00.

Seljord sogelag og Seljord kunstforening vil arrangere fire sogevandringar i haust. Den fyrste går til Nutheim der Ellen Grøstad Barstad vil vera med som forteljar. Dei andre vandringane går til Kvennhusjuvet og Grovegryta i Åsheimgrendi, Telnesøyan der me går ut til det nybygde utkikkspunktet og Satajuvet i Krokan. Me håpar mange har lyst og høve til å vera med på vandringane.

Frammøte ved Kunstlåven kl 10.00 for felles avreise

Frå 24/9-4/10 har Seljord hatt besøk av kring 40 studentar innan arkitektur og kunstfag frå Milano. Studentane har vore med på eit prosjekt i regi av Seljord og sogene med arkitektane Sami Riintala og Dagur Eggertson som prosjektleiarar. I løpet av desse dagane har det kome opp tre spennande installasjonar ved Seljordsvatnet: Utkikkspunkt mellom Strånd og Manheim på Manheimstrondi, Sauna i Vebekkdalen mellom Telnes og Ulvenes og fiskeplass på Telnesøyan. Kunstlåven har vore base for innandørs arbeid, mat og sosialt samvær. Takk til alle som har stilt opp i Kunstlåven til dugnadsarbeid desse dagane! De har gjort ein kjempeinsats og gjestene har vore veldig fornøgde med det dei har opplevd i Seljord. Her kan de sjå litt av det som har gått føre seg i løpet av veka.

Into the landscape 1

Sommarutstillinga Arvesyn har vore open frå 1. juli. Nytt høve til å ta ei vandring i fire høgder med samtidskunst i Kunstlåven i Seljord. Utstillinga er open fram til 22. august. I Kunstlåven finn du og ein stor galleributikk med grafikk, kunsthandverk og handverk. Velkomen innom!

Kari Steihaug 2

Seljord kunstforening held sogevandring til Koparvollen og Selstadloftet i Seljord sentrum kvar laurdag i juli. På Koparvollen finn me ein stor og velstelt gravhaug frå vikingtidi, spor etter ein gamal holveg, Selstadloftet frå 11-1200-talet og ein fin stovebygning frå 16-1700-talet der det har vore både landhandel, skysstasjon og hotell. I utkanten av tunet har det vore eksersisplass. Det knyter seg mange soger til tunet og husi m.a soga om Selstadkjempa og sæbyggen frå 1620-åri.

Dei som vil vera med på sogevandringa, kan møte opp i Kunstlåven laurdagar kl 14.00 for felles avgang.

Onsdag 1. juli opna Kunstlåven dørene for den 41. Sommarutstillinga. Kring 120 kunstinteresserte møtte opp for å få med seg opninga med tale av Arne Vinje, song av Kim André Rysstad, presentasjon av kunstnarane, kunstvandring i låven og feitegraut og spekemat på låvegolvet til slutt. 10 av dei 18 kunstnarane var til stades. Det var mange lovord å få frå både kunstnarar og publikum. Velkomen innom i løpet av sommaren!

Annimasjonsfilmen “Janus”, Linda Sæthren Fagerli

I sommar opnar Seljord kunstforening ein utvida galleributikk i Kunstlåven. Publium vil finna ei avdeling for sal frå vegg med grafikk, skulptur, måleri og teikning i tillegg til avdelinga for kunsthandverk og handverk. Sal frå vegg og galleributikken har fritt tilgjenge. Velkomen innom oss i løpet av sommaren!

Knut Flatin, måleri

Stad: Seljord kyrkje

Stad: Aulaen på Seljord ungdomsskule